علاء عبد الرحمن
أنا منك وانت مني
يا أخويا يا حتة مني
أنا منك وانت مني
وحنان الدم يا ما
للحب كان علامة
أنا منك وانت مني
صوت السواقي باقي
يبكي ف لحظة فراقي
ع البعد بيعاتبني
ما انا منك وانت مني
إزي تجرحني إيدك
أو سهمي يوم يصيبك
وانا منك وانت مني

 
يا أخويا يا حته مني
يا هلالي أخوك حبيبك
يا صليب للدنيا غني
إسلامي علي صوتك
بالفرح قوم قابلني
يا أخويا يا حتة مني
يا أخويا آه يا ني
بالفتنة ليه كواني
يا صعيدي يا جواني
يا غازلي ف أحزاني
ليه تحرق أوطاني
وأنا منك وانت مني

 
آه يا فاطمة يا ماريا
يا كل الدنيا ديا
إسلامي دين سلامي
والقبطي إنسانية
وده أمر المولى ليا
في الآخرة هايحاسبني
يا أخويا ياحتة مني
أنا منك وانت مني


محاسن بيومي  إحدى زوار اليوم السابع  
بتاريخ: الخميس، 28 يناير 2010 - 09:14

0 تعليقات