علاء عبد الرحمن
الخبر اللى هقوله بيفكرنى برجاء الجداوى فى مسرحية " الواد سيد الشغال " وهى بتقول :
يا شماتة أبلة ظاظا فيا

هو دة دلوقتى لسان حال كل إعلامى فاسد ومعندوش لا دم ولا دين وساهم فى تأجيج نار الفتنة بين الشعب الجزائرى والمصرى

نفسى أشوف شكل واحد فيهم وهو بيسمع الخبر دة 



رئيس الاتحاد الدولى لكرة القدم -فيفا- جوزيف بلاتر
  
" أصدر الاتحاد الدولى لكرة القدم العقوبات "بتغريم الاتحاد المصرى 100 ألف فرنك سويسرى على خلفية المواجهات بين مصر والجزائر ، مع نقل مباراتين للمنتخب المصرى خارج مدينة القاهرة إلى أى مدينة تبعد 100 كيلو متر..

حيث تعد العقوبات مخففة بعد مجهودات هانى أبوريدة نائب رئيس اتحاد الكرة وعضو المكتب التنفيذى بالفيفا.

هذه العقوبات جاءت على خلفية شكوى الجانب الجزائرى من تعرض أتوبيس منتخبه للاعتداء بالحجارة من جماهير مصرية قبل مباراة 14 نوفمبر التى أقيمت بالقاهرة فى تصفيات كأس العالم 2010 وفشل سمير زاهر رئيس الاتحاد المصرى فى تقديم دليل براءة الجانب المصرى. "


يعنى نحمد ربنا كمان على كدا

وأكيد كل واحد فيهم بيقول فى نفسه :
يا شماتة أبلة ظاظا فيا

وطبعا انتم عارفين مين أبلة ظاظا ومش هتسألوا زى عادل إمام فى المسرحية

يا رب بقى نتبط ونشوف ونعرف مقامنا كويس

ونعرف إن احنا اللى كنا همج فى الأول مش هما


واظن سويسرا مش هتكون بتكره مصر هى كمان

عشان نتهمها بالخيانة والتآمر على مصر


وسؤال أخير اختم به

هم الـــ 100 ألف فرنك يطلعوا كام بالمصرى ؟

وياسلام لو واحد من اللى كانوا بيشتموا فى الجزائر هو اللى يرد

يبقى فُلّة
2 تعليقات
  1. ممكن اصوت واعيط !!!

    :((

    يا شماتة ابلة ظاظا فياااااااااااا


  2. طيب ليه بس

    هو مش احنا اللى كسرنا لهم الأنوبيس لما كانوا فى مصر
    وكل الأساطيطر اللى اتحكت عن اللى حصل فى ام درمان لم يستطع فحل من فحول الاتحاد المصرى ان يثبت شيئا

    يبقى من حق كل الظاظات تشمت فينا

    وبعدين حضرتك نورتى المدونة بتعليق حضرتك على الموضوع