إبراهيم حجازى فى برنامجه " دائرة الضوء "
أمس عندما عدت من عملى وأثناء تناولى لوجبة العشاء فتحت التلفزيون المصرى عشان نشوف اى حاجة نتفرج عليه ، اهو حاجة الواحد يتسلى بيها أثناء الأكل ، فذهبت بحثا فى القنوات الشليلة أعلى وأسفل حتى استقريت على قناة " نيل سبوت " وإذ بالأستاذ إبراهيم حجازى وهو يقدم برنامجه " دائرة الضوء " وقد افتتح الحلقة بشوية كلام عن الأقضى وما يحدث له وعن جبروت إسرائيل وما تفعله
ووصفها بالعصابة وقال : لا ينفع معاها إلا القوة إننا ادناهم على قفاهم فى حرب 73 .
وسرد بعض المعلومات عن المسجد الأقصى وعن أشهر المعالم الموجودة به وبساحته وعن عدد أبوابه ثم قال إن أفضل ختام قصيدة " على محمود طه "
أخى جاوز الظالمون المدى ..... فحق الجهاد وحق الفدا
والتى غناها الموسيقارالراحل " محمد عبد الوهاب " .
وقال دول مش ظالمين وبس دول مفتريين
وأثناء عرض الأغنيه كان هناك كلمات تظهر على الشاشة تقول إن الفلسطنيين يريدون السلام وإسرائيل لا تريده ، وإن إسرائيل تردي أن تجرنا إلى دائرة العنف
وإلى آخر الكلام اللى مش جايب همه دة
الحقيقة انا أعجبت بالفقرة خصوصا وأنها آتية من التلفزيون المصرى الذى لطالما شوه صورة المقاومين والنظام المصرى الآن يشارك بكل خسة ونذالة فى حصارهم وتجويعهم ببنائه لجدار العار الجدار الفولاذى .
ولكن ... رجعت ريمة لعادتها القديمة
لاقيت الأستاذ إبراهيم شوية مرتبك عشان حس إنه خبط فى الحلل وإنه بيدعو الشباب إنه يقاموا ما يحدث للأقصى بكل الوسائل ما عدا العنف طبعا وقال إننا لازم نعلم أولادنا الرياضة عشان يكونوا أقوياء ، ومش لازم يكون فى المدارس مساحات واسعة بس على الأقل يلعبوا تمارين
فراح قايل :
وطبعا بنحب نبعت سلامنا للريس ... وبنقوله : حمدلله على سلامتك ياريس
وترجع لنا بألف سلامه
والله يار يس إحنا بنحبك قوى
والبلد كلها بتحبك
هههههههههههه
انا هلكت من الضحك
لأن افتكرت إن الإعلام المصرى عقل وبقى إعلام محترم
لكن طلع فى الأخر إن دة كله مجرد فض مجالس
وتبييض وش الإعلام
وتقضية واجب وخلاص عشان مفيش حد يقول إن الإعلام المصرى ناسى الأقصى واللى بيحصله
ومشغول ببتوع الكرة وبتوع الرقص
وعجبى عليك يا زمن لما الخوف يكون سيد
